Nyheter - Sogn og Fjordane:

  • Fredag 17. august kl. 22.38

    Turgåarar får assistanse

    To turgåarar får hjelp til å kome seg heim att frå ein tur i nærleiken av Skogadalsbøen i Luster. – Ein av turgåarane har ikkje greidd å gå vidare grunna ein tidlegare skade, opplyser operasjonsleiar Tatjana Knappen i Vest politidistrikt. Dei to får assistanse frå frivillige til å kome seg heim.

  • Fredag 17. august kl. 21.03

    Brann i Fjord1-ferje

    Det brenn i Fjord1-ferja Eid som er leigd ut til turisttrafikk på Lysefjorden. Det melder Hovudredningssentralen Sør-Noreg. Alle passasjerane er evakuerte.

  • Fredag 17. august kl. 20.27

    Samdal fekk Eikefjordprisen

    Brigt Samdal har fått Eikefjordprisen 2018 for mangeårig innsats i frivillig arbeid til glede for både Eikefjord og Flora kommune. Det skriv Firdaposten. Den avtroppande leiaren i Eikefjord Grendalag kjem opphavleg frå Fana i Bergen.

  • Fredag 17. august kl. 20.14

    Kan bli føregangsfylke på el-fly

    I går var ein delegasjon frå Sogn og Fjordane fylkeskommune i møte med samferdselsminister Ketil Solvik-Olsen (Frp). I møtet vart det teke opp kva som skjer med el-flyutviklinga, og både statsråden og fylkeskommune har som mål at kortbanenettet i Sogn og Fjordane skal ha ei aktiv rolle i utviklinga.

  • Fredag 17. august kl. 19.31

    Drøfta flytilbodet i fylket

    Delegatar frå Sogn og Fjordane fylkeskommune møtte i går samferdselsminister Ketil Solvik-Olsen for å drøfte flytilbodet i fylket. Rutetilbod, makspris og el-fly var mellom temaa. Fylkesvaraordførar Åshild Kjelsnes seier det er viktig med eit godt flytilbod i fylket. Eit krav var nattstasjonert fly i Sogndal, eit anna var gjenninnføring av konsesjonsruter i Florø.

  • Fredag 17. august kl. 18.47

    Sjå Vestlandsrevyen 18.50 her

    Programleder: Jan Børge Leirvik

  • Fredag 17. august kl. 18.13

    Sølv til Kjerpeset

    Øyvind Strømmen Kjerpeset frå Florø sprang inn til 2.-plass under finalen i 400 m hekk under NM i friidrett på Byrkjelo. Kjerpeset sprang på tida 52,22. Det var Karsten Warholm som vann med 49,01 og han tok dermed ny banerekord.

  • Fredag 17. august kl. 17.43

    Meiner regjeringa må levere

    Kommunalminister Monica Mæland (H) sa i ein debatt under Arendalsuka i dag at ho fryktar at opprøret i Troms og Finnmark kan velte regionreforma. Fylkesordførar Jenny Følling (Sp) seier det ligg tunge forventingar på at regjeringa no følgjer opp når det gjeld oppgåver. – Stortinget har gjort eit vedtak, og fylka har lojalt følgt opp. Når prosessen no er i gang, er det opp til regjeringa å levere på oppgåver, seier Følling.

  • Fredag 17. august kl. 17.00

    Trude Raad tok gull

    Trude Raad tok i dag gull i slegge under NM på Byrkjelo. Raad vann med eit kast på 63,96 meter.

  • Fredag 17. august kl. 16.56

    Siger til Kaupanger

    Kaupanger vann 3-0 over Fløya då laga spelte på Kaupanger stadion i ettermiddag. Det var Ingrid Lovise Jåstad, Silje Torvanger og Åshild Hereid Haugen som skåra for sogningane.

  • Fredag 17. august kl. 13.35

    Turistane er henta ned frå breen

    Dei to belgiske turgåarane som sat vêrfaste på Supphellebreen er no henta ned. Det var i går Hovudredningssentralen i Sør-Noreg fekk melding om at to personar hadde etablert naudbivuakk oppe på breen. I dag vart dei henta ned av erfarne breførarar. Breførar Sigurd Felde seier dette viser kor viktig det er å førebu seg godt før ein legg ut på tur. – Det er dårleg vêr og sikt i området, seier han på veg ned til Fjærland saman med turistane.

  • Fredag 17. august kl. 9.00

    Berga ned frå fjellet

    Ein turgåar vart seint torsdag kveld frå ein fjelltur ved Arentzbu i Rausdalen i Luster. Vedkommande utløyste naudpeilesendaren og vart henta ned av redningshelikopter. Det viste seg at turgåaren hadde ein vond ankel.

  • Torsdag 16. august kl. 22.49

    Sjå Vestlandsrevyen 23.11 her

    Programleder: Jan Børge Leirvik

  • Torsdag 16. august kl. 22.02

    Evakuerte etter røykutvikling

    Gjestene ved Karistova Hotel blei evakuerte etter røykutvikling i eit sikringsskap på hotellet. Brannvesenet rykte ut til staden, men branntilløpet sløkte av seg sjølv i sikringsskapet, opplyser Alarmsentralen. Det måtte luftast ut før gjestene kunne gå tilbake til hotellet.

  • Torsdag 16. august kl. 21.33

    Køyrde 132 km/t i 80-sone

    Ein mann frå Nordfjord er i Sogn og Fjordane tingrett dømt til 30 timar samfunnsteneste etter å køyrt i 132 km/t i ei 80-sone, etter å ha blitt stogga i ein fartskontroll i juni i år. Mannen erkjente i retten at han hadde køyrt for fort. Han må no greie seg utan førarkort i sju månader, og gjennomføre ei ny praktisk førarprøve for å få att førarretten.

  • Torsdag 16. august kl. 20.22

    Bryggeri gjekk i minus

    Til saman gjekk dei tre ølprodusentane i Sogn over seks millionar i minus i fjor. Det skriv Porten.no. Bryggeriet i Årdal gjekk med underskot på 1,6 millionar. Balder brygg på Leikanger gjekk med 700 000 kroner i underskot. Men av dei tre var det Ægir i Flåm som gjekk på det største tapet, heile 3,5 millionar kroner. Naturlege etterdønningar frå satsinga i 2016, meiner bryggerisjef Evan Lewis.

  • Torsdag 16. august kl. 19.49

    Byggjer ny hangar

    No startar Forsvarsbygg bygginga av hangar nummer to på basen til redningshelikopteret i Florø. Det skriv Firdaposten. Dei reknar med å starte anbodsrunden rundt årsskiftet og at den nye hangaren kan stå klar til hausten 2020. Basen i Florø vil då ha to hangarar til det nye redningshelikopteret AW1010 som skal fasast inn dei neste åra. Basen i Florø er i dag drifta av CHC fram til Forsvaret får levert dei nye helikoptera.

  • Torsdag 16. august kl. 18.31

    Tre til Nordisk Meisterskap

    Tre utøvarar frå Tambarskjelvar IL er tekne ut til Nordisk Meisterskap i vektløfting på Island. Det melder Norges Vektløfterforbund. Dei tre er Marit Årdalsbakke, Jantsen Øverås og Vebjørn Varlid. I alt elleve utøvarar frå Noreg reiser til meisterskapen i Hveragerði på Island 28–30. september.

  • Torsdag 16. august kl. 18.10

    Får bore nær Utvær

    Petroleumstilsynet har gitt Equinor løyve til å drive leiteboring av ein brønn i Nordsjøen som ligg dryge seks mil frå fjæra. Det skriv Stavanger Aftenblad. Det er Utvær i Solund som blir næraste land til brønnen. Leiteboringa skal etter planen starte tidlegast denne månaden, og gå føre seg kring 50 dagar. Miljødirektoratet har gitt løyve til leiteboringa, men viser til at all forureining er uønskt. Høg risiko for sjøfugl i ope hav om vinteren, gjer at løyvet er gjeldande frå 1. april til 21. oktober. Direktoratet stiller dessutan krav til beredskap utover det Equinor har foreslått, skriv Aftenbladet.

  • Torsdag 16. august kl. 17.35

    Lovar dusør på 10 000 kroner

    Dyrevernalliansen utlover en dusør på kr 10.000 for tips som kan føre til at saken om kattungen som ble dumpet i Lærdalstunnelen, blir oppklart. Det kjem fram i ei pressemelding. Det var søndag kveld at ein kattunge blei funne midt i den 24 kilometer lange tunnelen. Dyrevernalliansen har oppretta dusørfondet for å bidra til at fleire dyremishandlingssaker blir oppklart, og har eit håp om at nokon kan ha sett eller høyrt om noko som kan føre til oppklaring av denne saka.

  • Torsdag 16. august kl. 17.04

    Skal ha møte om fôrsituasjonen

    Bondelaget, Tine, Nortura og fleire andre aktørar inviterer no bøndene til fagmøte om grovfôrsituasjonen i fylket. Gjennom fleire fagmøte ulike stader i fylket vil dei kome med informasjon og tips til kva bøndene bør gjere i den vanskelege situasjonen. Sjølv om tredjeslåtten er i hus om nokre veker vil truleg dei aller fleste i fylket ha for lite grovfôr skriv Bondelaget i invitasjonen til bøndene.

  • Torsdag 16. august kl. 16.30

    Sogndal har signert ny spelar

    Sogndal Fotball har signert ein avtale med Akor Jerome Adams. Det skriv klubben på nettsidene sine. Avtalen strekkjer seg fram til 31. juli neste år. Sogndal og Jamba Football Academy er einig om utlånsavtale med kjøpsopsjon for Adams i same tidsrom. Adams har vore på treningsopphald hos Sogndal i år. Han speler på U20-landslaget til Nigeria.

  • Torsdag 16. august kl. 10.28

    Ønsker kontakt med bussar

    Politiet ønsker kontakt med førarane av ein grøn og ein lilla buss etter at ein lastebil velta ved Voll på riksveg 13 i Vik. Bussane skal ha vore i området i tidsrommet uhellet skjedde og dei skal ha køyrt vidare over Vikafjellet i retning Vinje. Tips kan ringast inn til 02800.

  • Torsdag 16. august kl. 10.28

    Ønsker kontakt med buss

    Politiet ønsker kontakt med føraren av ein kvit og blå rutebuss etter at ein lastebil velta ved Voll på riksveg 13 i Vik. Bussen skal ha vore i området i tidsrommet uhellet skjedde og dei skal ha køyrt vidare over Vikafjellet i retning Vinje. Tips kan ringast inn til 02800.

  • Torsdag 16. august kl. 9.30

    Lastebil har velta

    Ein lastebil med stein har velta ved Voll på riksveg 13 i Vik. Politiet opplyser at føraren tilsynelatande er uskadd. – Det er manuell dirigering på staden. No ventar vi på at tungbilbergar skal komme til staden, opplyser operasjonsleiar Tatjana Knappen i Vest politidistrikt.

  • Torsdag 16. august kl. 8.45

    Ervik på U23-landslaget

    Camilla Ervik frå Eid er teken ut på det norske U23-landslaget til Nordic Tournament i Østfold i månadsskiftet august/september. Dette er Alexander Straus sin første som U23-landslagstrenar. Ervik, som spelar for Sandviken, står med fem kampar for laget. Noreg møter England, Sverige og USA i turneringa.

  • Torsdag 16. august kl. 8.32

    Sognalag vidare i NM

    Sogndal sitt G19-lag i fotball vann onsdag 3-1 mot Fana i tredje runde av fotball-NM. Kampen gjekk på Nesttun Kunstgress. Også jentelaget til Kaupanger tok seg vidare mot Herd. Etter mållause 90 minuttar på Kaupangerskogen måtte laga ut i ekstraomgangar og straffespark, som kaupingane til slutt vann 6-5.

  • Torsdag 16. august kl. 8.32

    Sogndal vidare i NM

    Sogndal sitt G19-lag i fotball vann onsdag 3-1 mot Fana i tredje runde av fotball-NM. Kampen gjekk på Nesttun Kunstgress.

  • Torsdag 16. august kl. 7.59

    Intens nedbør fleire stader

    Det har regna heftig fleire stader i Sogn og Fjordane i natt, det seier statsmeteorolog Martin Granerød. Og det er meir regn i vente. – Regnvêret går over til byer utover ettermiddagen, som også betyr at det blir periodar med opphaldsvêr. Også i morgon og i helga er det lågtrykksaktivitet som vil styre vêret, seier Granerød.

  • Torsdag 16. august kl. 7.33

    Kan gå glipp av NM på Byrkjelo

    Den mellomste Ingebrigtsen-broren avslører at han ikkje er blitt heilt bra enno, etter at han fekk ein brest i eit ribbein etter fallet på 1500-meterkvalifiseringa i EM sist veke. Dermed kan NM på Byrkjelo no til helga ryke for Filip Ingebrigtsen.

  • Torsdag 16. august kl. 5.13

    Knuste rute på hotell

    I natt måtte politiet ta seg av ein rusa mann i 20-åra. Han veiva med eit armeringsjern og knuste ei rute på Sogndal Hotell med dette. Mannen er no sett i drukkenskapsarresten, skriv politiet på Twitter.

  • Torsdag 16. august kl. 0.31

    Milliongåve til Dalalåven

    Sparebanken Vest sitt gåvefond løyver ein million kroner til Dalalåven i Sogndal skisenter. Bygget skal huse fleire funksjonar, som matservering, skiutleige og sykkeluttleige. – Dette har vore «the missing link» sidan skitrekka vart etablerte i Rindabotn og Kalvavatni og vil vere det første viktige bygget i ein framtidig fjellandsby i området Kambabotn, seier Per Odd Grevsnes i Sogndal skisenter i ei pressemelding.

  • Torsdag 16. august kl. 0.06

    Storevik til Sandefjord

    Florø-keeper Jacob Storevik (t.h.) er klar for Sandefjord. Det melder eliteserielaget på sine nettsider. – Sandefjord tok kontakt måndag, og vi veit kor Jacob har higa etter å kunne leve av fotball. Det kan ikkje vi tilby han i Florø. Når vi får økonomisk kompensasjon for å sleppe han før kontrakten går ut etter sesongen, og føler vi har god dekning på keeperplass, så var det greitt å la han gå, seier Florø-trenar Terje Rognsø til NRK.

  • Onsdag 15. august kl. 21.55

    Riise kopla til Sogndal

    Bjørn Helge Riise kan vere på veg til Sogndal. Det melder Eurosport. Aalesunds FK melde tidlegare i kveld at 35-åringen er ferdig i klubben etter eige ynskje. Det har ikkje lukkast NRK å kome i kontakt med verken Eirik Bakke eller sportsleg leiar Håvard Flo i Sogndal.

  • Onsdag 15. august kl. 16.12

    Bjelde på «nye» J19-Norge

    Thea Bjelde frå Sogndal er tatt ut på det som skal bli det nye J19-landslaget i fotball. I månadsskiftet august/september møter Noge Island og Sverige i Sandefjord. 18-åringen var også med på laget som kom til semifinalen i EM-sluttspelet i sommar. Bjelde, som spelar for bergensklubben Arna-Bjørnar, står med 39 aldersfastlagde landskampar for Norge.

  • Onsdag 15. august kl. 11.03

    Slo opp skade – må betale bot

    Ein sogning i 20-åra må betale 8000 kroner etter at han slo ei kvinne på rumpa. Hendinga skjedde på danskebåten i vinter og gjorde at kvinna slo opp att eit brot i muskelfestet på sittebeinet. Han må og betale 1000 kroner i skadeerstatning.

  • Onsdag 15. august kl. 9.49

    Klarte kravet til nordisk

    Vektløftarane Robert Andre Moldestad og Julia Jordanger Loen (begge Breimsbygda) klarte i går kravet til Nordisk meisterskap i vektløfting. Julia klarte kravet i klasse for ungdom 58 kilo, med 51 kg i rykk og 72 kg i støyt, til saman 123 kg. Robert Andre klarte kravet i klassen for junior 62 kilo, med 88 kg i rykk og 105 kg i støyt, til saman 193 kg. Nordisk går i Danmark i oktober.

  • Onsdag 15. august kl. 8.54

    Bussjåførar stikk av frå kontroll

    Vegvesenet opplever kvar sommar ein auke i talet turistbussar som stikk av frå kontroll ved Håbakken på E16 i Lærdal, det fortel kontrollør Frode Hålien til nettavisa Porten. Hålien seier dei seinast i går hadde minst to bussar som køyrde forbi skilta kontroll, og at det er vanskeleg å hente dei inn att. Ifølgje avisa avdekker Vegvesenet ofte at bussjåførane har brote reglane for køyre- og kviletid.

  • Onsdag 15. august kl. 7.56

    Fisk på land gir vekst for bedrifta

    Industribedrifta Stadpipe på Stadlandet har tredobla omsetnaden på to år, det skriv Fjordenes Tidende. Bedrifta leverer røyrdelar og røyrløysingar til heile landet. Dagleg leiar Nils Per Sjåstad seier kontraktar for bygging av landbaserte oppdrettsanlegg er hovudgrunnen til at dei gjer det så bra. Selskapet hadde i fjor sitt beste resultat med 6,7 millionar kroner før skatt. Det er ei dobling frå året før, skriv avisa.

  • Onsdag 15. august kl. 6.25

    Optimisme trass underskot

    Det er framleis optimisme og planar om å utvide hos silisiumplateprodusenten Norsun i Årdal, skriv porten.no. Bedrifta gjekk med store underskot i 2017, og ein gjennomgang av rekneskapstala syner at dei har tapt 1,8 milliardar kroner sidan dei starta opp i 2005. Berre i to av åra sidan den gong har bedrifta tent pengar. Norsun-sjef Svenn Ivar Sunde seier likevel at bedrifta har planar om å utvide fabrikken, og då kan dei vel 200 tilsette som jobbar der i dag få meir enn 200 nye kollegaer.