Nyheter - Sogn og Fjordane:

  • I dag kl. 4.55

    Tekniske problem i NRK

    NRK vart måndag råka av tekniske problem. Det kan føre til problem med å høyre podkastar og det kan også ramme appane NRK TV og NRK Radio. TV- og radioprogramma går som vanleg. Også Tekst-TV har blitt ramma.

  • Mandag 21. oktober kl. 21.06

    Nærmar seg heving av bil

    Bilen til mannen som omkom etter å ha vert teken av eit ras i Jølster i slutten av juli, kan snart sjå ut til å verte heva opp av Jølstravatnet. – Anbodsprosessen er gjennomført, og saka er av høg prioritet, seier Arne Johannessen i Vest politidistrikt.

  • Mandag 21. oktober kl. 19.01

    Får kyrkjetårn – 300 år etter

    Ålfoten kyrkje i Bremanger, som vart bygd i 1678, planlegg å byggje eit kyrkjetårn, skriv Fjordenes Tidende. Ifølgje avisa skal elevar frå Stryn vidaregåande skule hjelpe til med å montere tårnet til kyrkja.

  • Mandag 21. oktober kl. 16.45

    Mista hjul

    På Riksveg 5 Naustadalsvegen mellom Førde og Naustdal, har ein bile mista eit hjul, opplyser politiet på Twitter. Det er meldt om mykje kø i området. Politiet er på veg og bilbergar er rekvirert. Uhellet skal ha skjedd ved Fureneset.

  • Mandag 21. oktober kl. 14.30

    Vil ha Rotevatn som leiar

    Fleire partilag vrakar no leiartrioen i Venstre. Bergen Venstre vil at Sveinung Rotevatn skal leie Venstre i staden for Trine Skei Grande, skriv BT. Leiar Jo Lerheim seier at dagens leiartrio ikkje fungerer og at dei difor har lagt ein ny leiarkabal.

  • Mandag 21. oktober kl. 10.30

    Vita-kjeda er konkurs

    Cosmetic Group, som eig dei to kosmetikkjedene VITA og Loco, er konkurs. Dette råkar 200 butikkar med 1000 tilsette, melder NTB. Her i fylket er det fire Vita-butikkar, ein i Florø, to i Førde og ein i Sogndal, skriv Firdaposten. Styret håper heile eller deler av verksemda kan drivast vidare.

  • Mandag 21. oktober kl. 9.42

    Militærøving påverkar trafikken

    Ei stor militærøving med over 1000 soldatar kan påverke trafikken denne veka. Heimevernet varslar øvingsaktivitet og militærtrafikk langs vegane frå Sogndal til Førde og Florø. Nordfjordeid, Grodås, Stryn og Måløy blir også nytta til trening.

  • Mandag 21. oktober kl. 8.35

    Tiltalt etter ulukke

    Ein mann er tiltalt etter ei trafikkulukke i Årdal i mars, skriv Sogn Avis. Tre personar vart sende til sjukehus etter ulukka i Naustbukttunnelen. Sjåføren er tiltalt for å ha køyrt for fort og må møte i tingretten i januar.

  • Mandag 21. oktober kl. 8.13

    25 positive prøvar

    Om lag 90.000 hjortedyr har blitt testa for skrantesjuka sidan 2016, skriv NTB. 25 av prøvane er positive, ifølge Veterinærinstituttet. Trass dette presiserer landbruksdepartementet at situasjonen framleis må overvakast.

  • Mandag 21. oktober kl. 5.36

    Gav mest blant fylka

    Med dryge 46 kroner gav den gjennomsnittlege innbyggaren i Sogn og Fjordane mest av alle til TV-aksjonen, som i år gjekk til Care Norge. Pengane går til å hjelpe kvinner ut av fattigdom i nokre av dei mest sårbare områda i verda.

  • Søndag 20. oktober kl. 20.13

    Førde vann thriller

    Maria Ullebust Oppedal og Lara Zidek sette inn seks mål kvar då handballjentene til Førde tok sin andre siger for sesongen. Rælingen leia 12-10 til pause, men sunnfjordingane snudde kampen etter kvilen og vann til slutt 26-25 i Marikollhallen.

  • Søndag 20. oktober kl. 18.53

    Seriemeister med sin tredje klubb

    Elise Thorsnes frå Leikanger vart seriemeister for fjerde gang, då LSK kvinner for sjette året på rad sikra tittel i Toppserien. Det gjorde dei med 2-2 borte mot Kolbotn. Thorsnes vann serien første gang i 2009 med Røa, noko dei også gjorde i 2011. 31-åringen vann i tillegg serien i 2013 med Stabæk.

  • Søndag 20. oktober kl. 16.35

    Tre millionar til Flora

    Fylkesmannen har fordelt resterande potten av skjønnsmidlar. Sogn og Fjordane fekk vel seks millionar. Av dette går halva til Flora, medan Hyllestad og Jølster får kring ein halv million. Årdal får 900.000, medan Naustdal får 1,1 million.

  • Søndag 20. oktober kl. 15.02

    Kaupanger rykte ned

    Med 0-1 heime for Medkila, vart det endeleg klart i dag. Etter ein tung sesong rykkjer Kaupanger sine fotballdamer ned i 2. divisjon. Med berre seks poeng att å spele om, har grøntrøyene åtte poeng opp til Grand Bodø på trygg grunn i 1. divisjon.

  • Søndag 20. oktober kl. 15.02

    Kaupanger rykkjer ned

    To raske Åsane-mål like før slutt mot Amazon Grimstad vart spikeren i kista for damelaget til Kaupanger. Etter 0-1 heime for Medkila måtte Åsane tape sin kamp for at grøntrøyene framleis skulle ha kvalifiseringsplassen innan rekkevidde. Slik gjekk det ikkje. Åsane vann 3-2, og Kaupanger må ned i 2. divisjon.

  • Søndag 20. oktober kl. 15.02

    Kaupanger må håpe på kvalik

    Med 0-1 heime for Medkila, er kvalifiseringsplass det beste Kaupanger kan håpe på i 1. divisjon. Med berre seks poeng att å spele om, har grøntrøyene åtte poeng opp til Grand Bodø på trygg grunn i 1. divisjon. Sigrar Åsane over Amazon Grimstad, rykkjer Kaupanger ned.

  • Søndag 20. oktober kl. 13.50

    Arbeidsulukke i Florø

    Politiet rykka ut til ein fabrikk i Gunhildvågen i Florø etter ei arbeidsulukke der. Ein mann i 30-åra skal ha slått hovudet sitt og vart henta av ambulanse, men skal ikkje vere alvorleg skadd. Politiet opprettar sak og gjer avhøyr av vitne.

  • Søndag 20. oktober kl. 12.07

    Vil ha fleire hurtigladarar i Florø

    Rema 1000 på Evja i Florø og BKK har inngått avtale om at kraftselskapet skal setje opp tre hurtigladarar for elbil på parkeringsplassen til matbutikken, skriv Firdaposten. BKK søkjer no til kommunen om å få setje opp ladeplassane.

  • Søndag 20. oktober kl. 10.44

    I handjern og inn i ambulansen

    Ambulansearbeidarar bad i natt politiet om hjelp for å få med seg ein mann, skriv Firda. Då politiet kom la dei mannen i handjern. Mannen var svært full, opplyser politiet, som også måtte bli med til sjukehuset i Førde.

  • Søndag 20. oktober kl. 10.09

    Stengd E39 like over fylkesgrensa

    To bilar har kollidert på E39 ved Damfosstunnelen i Austefjorden i Volda. Ei kvinne er stadfesta omkomen og to andre er hardt skadde. Vegen går mellom Volda og Nordfjordeid, og eitt felt er stengd. Politiet melder at det skal ha vore glatt på staden.

  • Søndag 20. oktober kl. 9.10

    – Leikanger blir ikkje svekka

    Sjølv om dei 100 nye jobbane i vegadministrasjonen i Vestland skal finnast i heile storfylket, kjem ikkje det til å svekke Leikanger sin posisjon, seier Noralv Distad (H) til Sogn Avis. – Det er viktig å ha eit breitt miljø med høg kompetanse. Det har me i Leikanger, og det er viktig at dette miljøet ikkje vert svekt, seier han.

  • Lørdag 19. oktober kl. 20.30

    Vil ha Bjørlo som nestleiar

    Troms og Finnmark Venstre vil ha påtroppande Stad-ordførar Alfred Bjørlo som ny nestleiar, skriv VG. Avisa siterer «kjelder med innsikt i prosessen». Partiet skal velje ny leiartrio på landsmøtet i april.

  • Lørdag 19. oktober kl. 19.56

    Bil utfor vegen

    Ein bil har køyrt utfor vegen på riksveg 15 ved Bjørhovde i Eid. Føraren er vaken og har vore åleine. Han skal ha meldt om smerter i ryggen, og er teken til sjukehuset i Førde med luftambulanse, opplyser politiet. Trafikken kan passere på staden.

  • Lørdag 19. oktober kl. 19.52

    Mot nedrykk

    Siri Nordeide Grønli frå Høyanger går mot nedrykk frå Toppserien i fotball. Ho spelar for Stabæk, som no ligg seks poeng bak kvalik-plassen. Med berre to kampar att og ein svak målforskjell, har det å redde plassen blitt ei rein teoretisk øving.

  • Lørdag 19. oktober kl. 19.35

    Ni tekne med for høg fart

    Under ein fartskontroll i ei 80-sone på Klavelandet i Flora, fekk ni sjåførar forenkla førelegg, skriv politiet. Den høgaste farta som blei målt var 99 km/t.

  • Lørdag 19. oktober kl. 16.27

    Hastar med meir kraft til kysten

    Leiar av Energiregion Møre, Bengt Endreseth, seier bygginga av kraftlina mellom Sogndal og Ørskog skulle vore vidareført ut til kysten. Statkraft har varsla at dei skal legge fram løysing på ny krafttilførsel til våren.

  • Lørdag 19. oktober kl. 15.03

    Florø tapte

    Utan mykje å spele for, tapte Florø 2–0 borte mot Asker i årets nest siste kamp i 2. divisjon. Laget spelar i 2. divisjon også neste sesong.

  • Lørdag 19. oktober kl. 13.37

    Heldt fram å køyre utan lappen

    Sjølv om sunnfjordingen mista lappen, heldt han fram med å køyre både bil og lastebil. Ved eitt høve stakk han av frå politiet, krasja i ein bil og køyrde vidare. To år etter har han no fått 10.000 kroner i bot. Han slepp å sone 60 dagar i fengsel om han ikkje gjer nye lovbrot dei neste to åra.

  • Lørdag 19. oktober kl. 10.01

    Siktar høgare enn gull

    Stryningen Johannes Thingnes Bø (26) vann det som var å vinne i verdscupen i fjor. I år går fødselen til kona Hedda framfor alt. – Det er det største i livet, større enn ei gul trøye, OL og VM, seier han til VG. Paret ventar sin første son i januar, ein månad som er den viktigaste månaden for førebuinga til VM.

  • Lørdag 19. oktober kl. 8.41

    Vêret i dag

    Det er venta austleg bris, på kysten nordaust frisk bris, nord for Måløy auke til liten kuling, sterk kuling nær Stad. I indre strok enkelte regnbyer, elles stort sett opphaldsvêr og periodar med sol. Oppdatert vêrvarsel får du på yr.no.

  • Lørdag 19. oktober kl. 8.24

    Telenor takka nei til netthjelp

    Då uvêr slo ut fiber og mobilnettet til Telenor i Jølster 30. juli, takka dei nei til Enivest om å kople seg til deira uskadde fiber. Til Firda seier dekningsdirektør Bjørn Amundsen i Telenor at dei meinte det tok kortare tid å reparare eige nett, enn å kople seg til Enivest sitt.

  • Fredag 18. oktober kl. 21.59

    Laksesmolt døydde

    Mesteparten av dei 400.000 laksesmolten som vart sett ut i det nye og omstridde anlegget ved Silda har døydd, skriv Fjordenes Tidende. Dagleg leiar i Blom Fiskeoppdrett, Øyvind Blom, seier det er ei gåte korleis smolten døydde.

  • Fredag 18. oktober kl. 16.09

    Trafikkulukke i Gaular

    Ein bil har køyrt inn i eit autovernet ved Myrmel i Gaular. Ein person er ute av bilen og skal vere uskadd, skriv politiet. Trafikken går forbi staden utan problem.

  • Fredag 18. oktober kl. 14.07

    Grotle valt til ordførar

    Olve Grotle (H) er akkurat valt til første ordførar i Sunnfjord kommune med 28 røyster. Eit mindretal på 17 røysta på Helge Robert Midtbø (Ap). Grotle vart valt etter ein debatt der saka om løn til varaordførar vart løfta opp att. Jenny Følling vart valt som varaordførar med same fleirtal. Du kan følgje det første møtet i Sunnfjord kommunestyre her.

  • Fredag 18. oktober kl. 13.54

    Brukte 100.000 på opningsfest

    Måløyraidsenteret brukte 100.000 kroner på festen då senteret vart opna i fjor haust. Dette går fram av dokument frå Lotteritilsynet. Kronprins Haakon stod for den offisielle opninga. Måløyraidsenteret treng 9 millionar kroner for å unngå konkurs.

  • Fredag 18. oktober kl. 13.20

    Frifunnen etter dødsulukke

    Ein mann i 20-åra er frifunnen etter dødsulukka i Raubergtunnelen i Lærdal i mars 2017. Mannen var tiltala for å ha køyrt på ein eldre syklist, som døydde av skadane. Retten kan ikkje sjå at mannen heldt uforsvarleg høg fart, og såleis ikkje kan lastast for ulukka.

  • Fredag 18. oktober kl. 13.12

    Opnar for å verte del av leiinga

    Eid-ordførar Alfred Bjørlo opnar for å gå inn i Venstre-leiinga, skriv Klassekampen. Partiet skal velje ny leiartrio på landsmøtet i april neste år, og Bjørlo er nominert av Vanylven-ordførar Lena Landsverk Sande.

  • Fredag 18. oktober kl. 11.34

    Tre av ått leiarverv til nordfylket

    Folk frå Sogn og Fjordane får tre av dei åtte leiarverva i nye Vestland fylke. I dei fire hovudtvala er det åtte leiarar og nestleiarar. Alfred Bjørlo (V) blir nestleiar i kultur, idrett og integreringsutvalet. Karianne Torvanger (Ap) og Åsmund Berthelsen (SV) blir leiar og nestleiar i opplæringsutvalet.

  • Fredag 18. oktober kl. 11.34

    3 av 8 leiarverv til nordfylket

    Folk frå Sogn og Fjordane får tre av dei åtte leiarverva i nye Vestland fylke. I dei fire hovudtvala er det åtte leiarar og nestleiarar. Alfred Bjørlo (V) blir nestleiar i kultur, idrett og integreringsutvalet. Karianne Torvanger (Ap) og Åsmund Berthelsen (SV) blir leiar og nestleiar i opplæringsutvalet.

  • Fredag 18. oktober kl. 10.25

    Trefelling kosta dyrt

    Stryn kommune må betale 40.000 kroner i erstatning etter trefelling, skriv Fjordingen. Eit kommunalt område blei rydda av kommunen for å betre sikta i eit vegkryss ved ein eigedom. Ved ein feil blei tre bjørker på naboeigedommen også saga ned.