Vegtrafikksentralen melder om ein svært roleg påskeaftan
Hittil har det vore svært roleg for trafikkoperatørane i Vegtrafikksentralen Vest på påskeaftan. Då NRK tek kontakt laurdag ettermiddag, fortel trafikkoperatør Monica Øksengård at dei knapt har fått éin einaste telefon.
– Alle fjellovergangar er opne, og vi har ikkje fått meldingar om glatte vegar.
Likevel ber ho folk om å vere obs på at det kan vere glatt og snø på overgangane. Det er venta mykje trafikk på vegane både søndag og måndag.