Utanlandsk mann i 50-åra funne livlaus etter båtvelt
Vedkomande som vart henta opp av sjøen etter ein båtvelt ved Årsnes ferjekai i Kvinnherad laurdag kveld, er ein mann i 50-åra som er utanlandsk statsborgar, opplyser Vest politidistrikt.
Han vart flydd til Haukeland universitetssjukehus klokka 18.55.
Politiet har ikkje fått nokon oppdatert status om helsetilstanden hans.
Politiet har nå avslutta sine undersøkingar på staden, og vil oppretta ei undersøkingssak.
Politiet har formidla kontaktinformasjon om mannen til helsevesenet, som vil varsla pårørande. Det er ukjent for politiet om dette no er gjort, skriv Vest politidistrikt i pressemeldinga.