Tom Cruise var i Loen
Fleire media melder at skodespelar Tom Cruise har blitt observert i Loen i Nordfjord tysdag ettermiddag.
Lokalavisa Fjordingen omtalte dette først, og fotograferte Hollywood-stjerna før han flaug avgarde i eit helikopter. Ifølge avisa har han truleg basehoppa.
Dette er første gong bilete av Cruise har blitt offentleggjort etter at flyet til Hollywood-stjerna laurdag landa på Ålesund flyplass, Vigra.
Han skal ha blitt sett i Loen også tysdag morgon.
Også i 2020 var Cruise i Noreg for å spela inn film nummer sju i Mission Impossible-serien.