Seks unge menn mista lappen

Utrykkingspolitiet tok beslag i førarkortet til seks menn i 20-åra i helga. Samtlege køyrde langt over fartsgrensa på riksveg 5 mellom Førde og Florø i Sunnfjord. Høgaste målte fart var 162 km/t i 80-sona. Fire av førarane hadde prøvetid, og i fleire av tilfella var det passasjerar. Ein av mennene køyrde MC. – I alle sakene er det oppretta anmeldingar, seier politiinspektør Eivind Hellesund hos Vest politidistrikt.