Rusa mann stogga bilar på Torgallmenningen i Bergen

Politiet har tatt hand om ein rusa mann i 30-åra som stogga bilar på Torgallmenningen. Det er ikkje meldt om at han skal ha gjort skadeverk på bilane. Mannen sette seg til motverge mot politiet, og framstod som aggressiv og lite samarbeidsvillig. Ambulanse venta på staden då mistenkte i tillegg til ruspåverknad truleg har fått ein skade i arm/skulder under arrestasjonen, opplyser politiet på X. Mannen vart tatt med til legevakt. Det vart også funne ei mindre mengde narkotika på mannen.