Nytt koronadødsfall på Haraldsplass

Ein pasient er død med korona ved Haraldsplass Diakonale Sykehus. Den døde var i alderen 18 til 64 år. Det er no fire pasientar innlagde med korona ved sjukehuset. To av dei ligg på intensivavdelinga.

Det er tolv pasientar innlagde med koronavirus på Haukeland universitetssjukehus, der to pasientar mellom 18 og 64 år får intensivbehandling. Talet på innlagde er det same som i går.

Éin koronapasient er innlagd på Voss sjukehus og to på Stord sjukehus, der ein person over 65 år får intensivbehandling.