Nye oppmodingar i Øygarden
Øygarden kommune oppmodar no alle skular og barnehagar om å gjennomføra juleavslutningane på dagtid og utan foreldre til stades.
Kommunen har tidlegare sagt at juleavslutningane kan gjennomførast dersom dette vert gjort innanfor rammer med gode smitteverntiltak. No har situasjonen endra seg med 240 nye koronasmitta siste veke, melder kommunen.
I tillegg oppmodar kommuneleiinga om at folk nyttar munnbind også på stader der det ikkje er pålagt. Dette gjeld til dømes på kulturarrangement, kino, konsertar, idrettsarrangement og andre stader der mange folk er samla, seier ordførar Tom Georg Indrevik.