Det tekniske berekningsutvalet for kommunal og fylkeskommunal økonomi la i dag fram ein ny rapport som indikerer at effektiviteten i kommunesektoren har falle.

– Det kan blant anna komme av auka bruk av bemanningsnormer i grunnskole og barnehage og at kommunane bruker tid på å tilpasse tenestene til demografiske endringar, seier professor Jon Magnussen, som leidde utvalet.

Kommunal- og distriktsminister Erling Sande seier det er «ei krevjande tid for mange kommunar».

– Rapporten dannar eit viktig grunnlag fram mot kommuneproposisjonen, som regjeringa legg fram før sommaren kvart år. Det blir viktig for meg å setje meg godt inn i rapporten.