Mann forsøkt rana av ungdommar

Ein mann i 20 åra skal i natt ha blitt forsøkt rana av tre ungdommar i Magnus Barfotsgate i Bergen. Politiet fekk melding om hendinga klokka 00.41. Ein av ungdommane skal ha dratt fram noko som meldar oppfatta som eit våpen. Meldar sprang då frå staden, ingen av dei tre, som skal vere i alderen 15 – 17 år, følgde etter mannen, opplyser operasjonsleiar Frode Kolltveit i Vest politidistrikt. Mannen skal ikkje ha blitt utsett for vald. Politiet har gått gjennom overvakingsvideoar frå staden utan å finne spor av dei tre ungdommane.