Kulturministeren om boikott av israelsk kunstnar: Mot boikott av Israel

Nyleg vart Bergen Fringe Festival utsett på ubestemt tid etter å ha fått kritikk for å kansellere ein kunstnar fordi ho bur i Israel. Likestillings- og diskrimineringsombodet har opna for å sjå på saka.

Frps Silje Hjemdal utfordra kultur- og likestillingsminister Lubna Jaffery (Ap) på kva ho tenker om saka. I eit skriftleg svar understrekar statsråden at regjeringa på eit generelt grunnlag er mot boikott av Israel.

Samstundes meiner ho at regjeringa ikkje bør ha sterke synspunkt på korleis kunstnarar og kulturaktørar nyttar ytringsfridomen sin.

– Ytringsfridomen må likevel bli utøvd innanfor lovas rammer, og slik at diskrimineringsvernet til enkeltpersonar blir varetatt, skriv Jaffery..