Helikopterulykka: Sistemann avhøyrt av politiet
Den siste av dei fem overlevande etter helikopterulykka utanfor Sotra i februar er no avhøyrt. Det seier politiadvokat i Vest politidistrikt Trygve Ritland til NRK.
Mannen har vore innlagd på Haukeland universitetssjukehus med skadar som følge av ulykka og har derfor ikkje kunne blitt avhøyrt før no.
– Han seier mykje det same som dei andre involverte. Det har gått fort og det har vore traumatisk, seier Ritland.
Han vil ikkje kommentera ytterlegare kva som har kome fram i avhøyra av omsyn til etterforskinga.