Fylkesdirektøren fastslår at skulestruktur-utval er habile
Fylkesdirektør Rune Haugsdal slår fast at alle i arbeidsgruppa som stod bak forslaga til ny skulestruktur, er habile. Det har vore stilt spørsmål ved om enkeltpersonar i gruppa var habile då dei utarbeida forslag om mellom anna å kutte i elevtal ved Måløy vidaregåande skule.
Juridisk seksjon har etter debatten blussa opp tatt ei vurdering, og dei slår fast at alle er habile.
Høgres Elias Eide takka for utgreiinga i opplæringsutvalets møte onsdag.
– No håper eg vi kan legge dei spekulasjonane til side og ha fokus på saka, seier Eide.