Fire reiarlag klagar ferje-avslag til regjeringa
Fire reiarlag har klaga inn kviletids-problem for ferjemannskap til Nærings- og fiskeridepartementet.
Det er Fjord1, Norled, Torghatten Nord og Boreal Sjø som klagar på at Sjøfartsdirektoratet er blitt strengare på å gi fritak frå kviletidsreglane.
I Hordaland har endringa i fritaks-praksisen enkelte stadar ført til endra turnus og at mannskap seier opp.
Reiarlaga meiner staten har informert for dårleg om praksis-endringa.
Nærings- og fiskeridepartementet svarar i ein e-post til NRK at innstramminga blei varsla i eit rundskriv i 2022, og det etter diskusjonar med både maritime arbeidstakar- og arbeidsgivarorganisasjonar.
Departementet seier det er for tidleg å seie kva tid dei får ferdigbehandla klagene.
Fjord1 seier dei ønsker ein prinsipiell avklaring.
– Skal ein endre praksis, må ein køyre ein ryddig prosess, og på ein annan måte enn gjennom eit rundskriv, seier regionleiar Tor Kristoffersen.