Ferdig som klinikkdirektør
Tom Guldhav er ferdig som direktør ved kirurgisk klinikk på sentralsjukehuset i Førde. Det melder Firda. Guldhav stadfestar opplysningane overfor NRK, og skriv i ei melding at han ikkje har noko kommentar til saka utover at det skuldast usemje om viktige vegval i Helse Førde. Han går no tilbake til stillinga som overlege for kvinneklinikken. Helge Robert Midtbø, som i dag er direktør for drift og eigedom, blir konstituert i stillinga som direktør for kirurgisk klinikk.