Fedje-båt tok årets første kval

1. april kunne norske kvalfangarar starte årets vågekvalfangst.

8. april fekk mannskapet på «Olavson» frå Fedje æra av å ta årets første vågekval, ved Loppa i Finnmark.

– Kvalen var 7,10 meter lang og i godt hald. Det ser ut som den har mat nok. Det er lodda han beitar på, opplyser skipper Terje Halland til Lofotposten.

Kvoten for 2024 er på 1157 vågekval. I fjor var kvoten på 1000 dyr.

Auken skuldast at ubrukt kvote i 2022 og 2023 er overført til 2024.