Drukningsulukke i Kvinnherad
Ein livlaus person vart klokka 18.20 henta opp av sjøen ved Årsnes ferjekai i Kvinnherad, og det pågår livreddande førstehjelp, opplyser politiet.
Det er ikkje mistenkt at fleire var innblanda i ulukka.
Ein halvtime før fekk politiet melding om at ein person som hadde fiska var sakna, og det var observert ein båt som låg opp ned i sjøen. Ressursar frå alle naudetatane vart sende ut.
Vegtrafikksentralen melde nokre minutt tidlegare, klokka 18.40, at ferjesambandet: Gjermundshamn - Varaldsøy - Årsnes var innstilt inntil vidare grunna eit redningsoppdrag.
Redningsleiar Siv Namork ved Hovudredningssentralen på Sola seier til BT at det var mannskap på Fjord1-ferja «Sildafjord» som fekk personen opp av vatnet.
Eit redningshelikopter frå Sola skal fly pasienten til Haukeland universitetssjukehus.