Dette er vinnarane på Gullparaplyen 2024
Under «Gullparaplyen 2024», arrangert av NJ Bergen (Norsk Journalistlag), har det i kveld blitt delt ut prisar for å heidre den beste journalistikken frå Bergen og omland frå det siste året.
Årets vinnar av hovudprisen Gullparaplyen er Bergens Tidende for «Tre skudd i Ibsens gate», ved Anne E. Hovden, Rune Christophersen, Per Lindberg, Philipp Bock, Lasse Lambrechts og Bendik Reed Årvik.
– Journalistane følger opp saka med ei omfattande gransking som avslører kritikkverdige rutinar hos politiet. Journalistikken i denne saka har ført til nye, nasjonale reglar for etterforsking av politiet etter skyteepisodar, grunngav juryen.
Sølvparaplyen for årets prosjekt gjekk også til Bergens Tidende for Tre skudd i Ibsens gate.
Årets heiderspris gjekk til Dag Bjørndal, som er nyleg pensjonert frå BA. Årets unge talent er Sorosh Sadat i TV 2.
Elles fekk følgande Sølvparaplyen under årets prisutdeling:
– Sølvparaplyen i kategorien foto gjekk til Bergens Tidende med bildeserien «De forlatte hjemmene» ved Marita Aarekol.
– Sølvparaplyen i kategorien lydproduksjon gjekk til Bergens Tidende for podkasten, «Enveisbillett til Sørpolen» ved Arve Ohnstad Stigen, Kjersti Mjør og Tonje Elisabet Aursland.
– Sølvparaplyen i kategorien video gjekk til NRK Vestland for serien, «De siste dødsdømte» ved Steinar Birkeland, Thomas Hellum, Jim Hansen, Gøril Grov Sørdal med fleire.
– Sølvparaplyen i kategorien lokalsak gjekk til Avisa Hordaland og «Dravle-Sjåk på Voss» ved Vidar Herre.
– Sølvparaplyen i kategorien enkeltsak gjekk til TV 2 og «Theresesaken», ved Haakon Eliassen, Robert Reinlund, Frode Hoff og Truls Aagedal.