Bekrefta hjerneristing etter kampsmell
Brann-spelar Ulrik Mathisen har fått bekrefta hjerneristing og er ute minst éi veke, opplyser Sportsklubben Brann.
På overtid i gårsdagens kamp mellom Viking og Brann fekk Mathisen ein kraftig hovudsmell etter ein duell med Viking-spelar Sondre Langås. Mathiesen blei frakta til sjukehus i ambulanse. Måndag er han tilbake i Bergen.
– Eg har det etter forholda fint, og skal no ta den tida det tar å bli bra igjen, seier Mathisen til brann.no.