Bedriftseigar frå Bergen har kjøpt tidlegare kystvaktskip
Bedriftseigar Bernt Hellesøe frå Bergen har kjøpt det gamle kystvaktskipet KV «Senja», skriv Sunnhordland.
Skipet skal no døypast om til forsking- og skuleskip, og kallast «Northstar.»
– KV «Senja» har vore ein solid arbeidshest som har stått i lang og tru teneste for Noreg. Fartøyet er i god stand og eg håpar den nye eigaren vil få stor nytte av fartøyet i mange år framover, seier forsvarsminister Bjørn Arild Gram (Sp) i ei pressemelding.
Skipet vart bygd i Horten i 1981-82, og var i bruk av Kystvakta fram til 2021.