Båt gått på grunn utanfor Florø
Ein mindre båt har køyrd på eit skjer like ved Stonga i Florø sentrum.
– Det er ein båt som har gått på grunn i høg hastigheit. Det var ein person i båten som er lettare skadd, seier Jan Erik Skorpe i hovudredningssentralen.
Personen i båten blir tatt hand om av ambulansebåten.
Hovudredningssentralen har avslutta redningsaksjonen. RS «Kristian Gerhard Jebsen» hjelper til med å berge båten.
Klokka 14.39 melder politiet at redningsaksjonen er avslutta. Båten er dratt opp av skjeret og slept til land. Politiet opprettar sak.