Riksrevisjonen opnar for samarbeid om gransking av Helseplattformen
I dag blei det bestemt at Riksrevisjonen, saman med kommunerevisjonen i Trondheim, skal finne ut om dei kan få til ei felles undersøking av Helseplattformen.
Det opplyser ekspedisjonssjef i Riksrevisjonen, Annette Gohn-Hellum til NRK.
– Me ser at det over tid har blitt rapportert om vesentlege feil i dette systemet, seier Gohn-Hellum.
Kontrollutvalet i Trondheim vedtok i går at dei ønsker at Riksrevisjonen blir involvert i ei potensiell gransking.
Avgjerda vil kome ein gong etter påske opplyser ekspedisjonssjefen.