Kolstad-spelar er skadd og ute av spel i seks til åtte månader

Kolstad-spelar Gøran Søgard Johannessen rauk akillessena på handballtrening på måndag.

Det opplyser klubben i ei pressemelding.

Han har hatt utfordringar med akillesen sidan november, og på trening på månad small det igjen.

– Det som blir viktig for meg no er å sjå framover på det som ventar meg. Eg vil framleis spele handball i mange år, og då vil eg framleis spele på det høgste nivået. På bakgrunn av det, er motivasjonen høg for å kjempe meg tilbake, sjølv om vegen dit blir lang, krevjande og utfordrande, seier Søgard Johannessen.

I morgon, torsdag, skal handballspelaren opererast. Han ser motivert på opptreninga i dei komande månadane.

– Eg skal gjere mitt ytste for å kome tilbake i godt gamalt Gøran-slag.

Skaden gjer at Sørgard Johannessen mistar OL i Paris til sommaren.