Bil hamna på taket på Hitra

Ein bil hamna på taket etter å ha køyrd inn i bergveggen på Snillfjordsveien på Hitra i Trøndelag.

– Det viser seg at køyretøyet har vore utanfor vegen tre gongar med høgre hjulsett før han gjekk over vegen, køyrde i bergveggen og gjekk rundt på taket.

Det seier operasjonsleiar i Trøndelag politidistrikt, Roger Mogstad. Politiet opprettar sak og tek beslag på førarkortet til personen.

– Me har fleire teoriar og skal ettergå litt meir, men me har ein liten mistanke om at han kan ha sovna ved rattet.

Førar av bilen, ein mann i 80-åra, blir frakta til St. Olavs hospital for vidare undersøking.