Aktor ber om åtte år fengsel for 25-åring som rana trøndersk artist

Politiet ser på 25-åringen som ein av hovudmennene bak ranet av ein trøndersk artist i mai i fjor.

– Det blei trua med drap, det blei trua med partering og det trua med å sprenge hus.

Det seier aktor og politiadvokat Bente Bøklepp i retten tysdag.

Aktor ber om seks år fengsel for svensken som også blir sett på som ein hovudmann og som kan knytast til Foxtrot-nettverket.

Forskjellen mellom dei to er at 25-åringen også er tiltalt for sjølvvask av pengane og oppbevaring av 28,4 kg hasj.

For siste person politiet ser på som ein av hovudmennene ber aktor om sju år og åtte månader fengsel.