Kommunen gjekk til sak mot bedrift
Gulen kommune har saksøkt verksemda Wergeland Halsvik AS, det skriv Firda som siterer avisa Nordhordland. Verksemda har i fleire år betalt inn ei avgift til kommunen som kompensasjon for at dei deponerer radioaktivt avfall. Ifølgje avisa har kommunen og Wergeland Halsvik AS sidan 2014 vore usamde om kor vidt kommunen har juridisk grunnlag til å krevje inn kompensasjonen. Partane møttest i Bergen tingrett tidlegare i haust, og ei avgjerd er venta før jul.