Frykta for foreldra sine reaksjonar
Ei jente under 18 år viste fram søstera sin identifikasjon etter å ha blitt stogga i promillekontroll, skriv Firda. Den mindreårige jenta har i Sogn og Fjordane tingrett fått ein 30 dagars fengselsdom. Ho slepp å sone i fengsel om ho ikkje gjer nye lovbrot innan ei prøvetid på to år. Ho må betale 10.000 kroner i bot, og får ein sperrefrist på 20 månader til å ta sertifikat.