Hopp til innhold

Fire personar i trafikkulukke

Ein vaksen og tre barn har fått tilsyn av helsepersonell etter ei utforkøyring på fylkesveg 57 i Gaular. – Alle fire blei køyrt til legevakt. Føraren av bilen og eitt barn er lagt inn på Førde sentralsjukehus på grunn av skuldersmerter, opplyser operasjonsleiar Per Algerøy i Vest politidistrikt. Bilen har vorte fjerna og vegen er opna igjen. Politiet opprettar sak og bilføraren blir avhøyrt seinare, melder politiet.