Bil utfor vegen i Våtedalen
Ein bil har køyrt utfor vegen på E39 ved Langhammaren i Våtedalen, i nærleiken av Klakegg i Jølster. Det er fire personar i bilen. Ingen skal vere skadde, men bilen har fått ein del skadar, opplyser politiet. Det er passering for anna trafikk på ulukkesstaden. Naudetatane og bilbergar er på veg, opplyser Vest politidistrikt. Politiet fekk melding om ulukka klokka 07.09.