Ingrid Fiskaa vil halda fram på Stortinget

I fire år har Ingrid Fiskaa vore SV sin stortingsrepresentant frå Rogaland. Ho har tidlegare fortalt at ho har vore usikker på om ho vil halda fram, men nå har ho bestemt seg.

– Eg står gjerne på førsteplass på stortingslista om Rogaland SV ønsker det, seier Ingrid Fiskaa til Stavanger Aftenblad.

Men livet på Stortinget likar ho eigentleg ikkje, innrømmer ho til avisa.

Det er fleire av stortingsrepresentantane frå Rogaland som alt har gitt beskjed at dei ikkje ønsker å stilla til val neste år.

Både Roy Steffensen (Frp), Terje Halleland (Frp), torstein Tvedt Solberg (Ap), Tove Elise Madland (Ap), Hadia Tajik (Ap) Sveining Stensland (H) og Tina Bru (H) har sagt at dei gir seg på Stortinget for Rogaland i 2025.