Verdal kommune vil lagre vindturbinar i raudlista elvedelta

Verdal kommune i Trøndelag ønsker å fylle igjen eit raudlista elvedelta for å skaffe lagerplass til vindturbinar. Dårleg nytt for fuglane, meiner Birdlife Noreg.

– Vi er midt i ei global og ei norsk naturkrise. Talet på fuglar i Noreg har stupt de siste par tiåra. Mange av artene som nå er trua, har nettopp våtmark og elvedelta som viktige leveområde, seier Kjetil Solbakken i Birdlife Noreg til Aftenposten.

Elvedelta er ei raudlista trua naturtype i Noreg. Ørin-deltaet i Verdal vart delvis naturreservat i 1993, men ein stor bit er framleis øyremerkt industri.

No vil kommunen fylle ut dette, og gi meir plass til Aker Solutions Verdal som treng plass til å lagre konstruksjonar til skotske vindturbinar og laksemerdar til havbruk.

Kommunen seier de må vege omsynet til naturen mot behov for nye arbeidsplassar. Planane er ikkje endeleg vedtatte.