Person slått ned i Oslo

Ein person blei slått ned i Klingenberggata i Oslo natt til laurdag, melder politiet. Vedkomande blei frakta til legevakt i ambulanse.

Politiet seier dei har søkt etter gjerningspersonane, men utan resultat så langt.

– Vi fekk melding frå ambulansetenesta 03.03 om at ein person var blitt slått ned. Då vi kom til staden kom vi i kontakt med personen som hadde blitt slått. Litt blodig, frå truleg noko glas som han har kutta handa si på, seier oppdragsleiar Thomas Khan i Oslo politidistrikt til NRK.

Dei søker ikkje lenger etter gjerningspersonane, men har starta etterforsking, seier Khan til NRK.