Hopp til innhold

Oslo: Mann i 20-åra alvorleg skadd med skarp gjenstand

Ein mann i midten av 20-åra skal ha blitt skadd med ein skarp gjenstand på Grønland i Oslo.

Personen er alvorleg skadd, og blir køyrt til sjukehus, melder politiet på Twitter. Vedkommande er vaken og medviten.

Politiet er på staden, og har kontroll på ein person som er mistenkt akkurat no.

– Det er ein relasjon mellom desse to, så vi har ingen grunn til å tru at det er fare for andre. Dei er kjenningar av politiet, seier operasjonsleiar Line Skott i politiet.

Hendinga skjedde ved Brugata på Grønland, og det var mange vitne. Politiet avhøyrer dei no for å kartlegge kva som skjedde.

Politiet søker etter stikkgjenstanden med hundar.

Voldshendelse på Grønland i Oslo.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no