Ein person til sjukehus med hovudskadar etter vald
Ein person er frakta til Ullevål med hovudskadar etter ei valdshending i Lørenskog, melder politiet.
Det er uvisst kor hardt skadd personen er, men vedkomande skal ha vore medvitslaus.
Ein person er gripen etter hendinga.
Valdshendinga skal ha skjedd på ei privatadresse, og det skal ikkje ha blitt nytta våpen, ifølge politiet.
– Det er snakk om fysisk vald, seier operasjonsleiar Ronny Samuelsen til Romerikes Blad.