Åtvara mot låge kraftleidningar

Mykje snøfall og temperaturar rundt null grader har laga problem for Linea i dalane i Rana.

– Vi slit med at snøen feste seg til kraftleidningane og pressar dei ned. På enkelte stader er linjene så låge at folk kan ta på høgspentkablane. Det er livsfarleg.

Det seier kommunikasjonsansvarleg Frode Dorp i Linea til Rana Blad.

Han seier til lokalavisa at montørar er ute å terrenget og gjer det dei kan for å riste snøen av leidningane. Han åtvara også folk om dei låge leidningane.

– Beskjeden vår er å halde avstand, seier han til Rana Blad.

Selskapet har flydd helikopter over straumnettet for å få ei oversikt, og Dorp seier det er problem med snødekte leidningar i Grønfjelldalen, Plurdalen , Røvassdalen og Dunderlandsdalen.