Blir ikkje høgare lønningar
Politikarane i fellesnemnda for Vestland fylke aukar ikkje løna til dei folkevalde. Det blei klart på møte i fellesnemnda i ettermiddag. Forslaget var å auka utgiftene med 2,5 millionar meir enn det dei to fylka bruker på løn til politikarar i dag, men fellesnemnda vedtok at dei vil halde lønsutgiftene på dagens nivå. Fylkesordføraren i nye Vestland fylke vil heller ikkje få statsrådsløn på 1,3 millionar, som var føreslått. Han eller ho får ei løn på 1,2 millionar kroner.